الانتقال إلى مدونة جديدة

إنتقلت إلى مدونة جديدة , بسبب حجب هذه المدونة في سوريا , وسأتوقف عن الكتابة بهذه المدونة .

عنوان المدونة الجديدة : 

http://abdalrahman.wordpress.com/

وشكراً .

الحرية لـ رأفت الغانم

مخاوف من تعرض رأفت الغانم للتعذيب.. الأمن السعودي يعتقل مدون سوري و يحتجزه في مكان مجهول

قالت الشبكة العربية لمعلومات حقوق الإنسان اليوم ، أن أجهزة الأمن السعودي قامت باعتقال المدون السوري رأفت الغانم 25سنة ومقيم في السعودية ، وصاحب مدونة "ضفاف" يوم 29يوليو الماضي ، واقتادته لمكان مجهول .



وكان رأفت الغانم الذي يقيم مع أسرته في السعودية قد توجه مع والده لإدارة الجوازات بمدينة الرياض عقب طلب الإدارة ذلك من والده ، وفور توجهه إليها قامت إدارة المباحث السعودية باعتقال الغانم ، واقتادته لمكان مجهول ، ثم توجهت قوة من الشرطة مساء اليوم نفسه لمنزله ، واستولت على الهارد ديسك "القرص الصلب بجهاز الكمبيوتر" الخاص بالمدون الشاب.



ومعروف عن الغانم أنه يكتب أيضا في بعض المنتديات و في مواقع حوارية سعودية وسورية، وينتقد بعض المظاهر الاجتماعية والسياسية السعودية والسورية ، وشارك بالتوقيع على "عريضة موجهة لخادم الحرمين للمطالبة بإطلاق المدوّن العتيبي والكاتب خالد العمير" المعتقلين منذ بداية العام 2009 في السعودية على خلفية نيتهما تنظيم تظاهرة في الرياض تطالب بوقف الحرب على غزة، وهي العريضة التي وقع عليها حوالي مئة كاتب وإعلامي عربي وعدد من المنظمات الحقوقية العربية ، فضلا عن كتاباته التي تنتقد ممارسات هيئة الأمر بالمعروف والنهي عن المنكر.



وكانت أخر المقالات التي كتبها الغانم على مدونته بعنوان " المخصيون عندما يستوهموا أدوار البطولة" قد أزيلت فور إلقاء القبض عليه واحتجازه ، وهو ما يشير لإمكانية تعرض المدون الشاب للتعذيب ليدلي بكلمة السر للمدونة



والشبكة العربية لمعلومات حقوق الإنسان ، وهي تدين من جديد استمرار نهج القبض على النشطاء والمدونين في السعودية واحتجازهم في أماكن مجهولة ، فهي تناشد الحكومة السورية بألا تقف مكتوفة الأيدي أمام هذا الانتهاك الصارخ في حق أحد مواطنيها ، كما تؤكد الشبكة العربية أن فضح الممارسات البوليسية لأجهزة الأمن السعودية سوف يكون أحد أولوياتها في الفترة القادمة. حتى تنصاع هذه الحكومة وأجهزتها الأمنية لحكم القانون ، أو يتم كشف النهج البوليسي المتشدد لحكومة تنتمي للقرون الوسطى المظلمة.


الحقيقة الدولية - الرصد الأخباري

---

لكن كتصحيح للخبر المنقول أعلاه , مقالة "المخصيون عندما يستوهموا أدوار البطولة" كان قد أزالها رأفت بسبب تغير في رأيه الشخصي , والمقالة لا تتحدث عن السعودية لا من قريب ولا من بعيد , بل تتحدث عن مشروع قانون الأحوال الشخصية السوري . 

الحرية لرأفت الغانم

مش مقدورن إلا يسبو كلمة بتبدا بحرف الشين

انقطعت فترة منيحة عن المدونة بسبب امتحاناتي الجامعية, وكانت محجوبة , اليوم لرجعت فتحتها , لقيت تعليق جديد على رسالة "استيقظوا أو موتوا .. والأفضل أن تموتوا" صاحب التعليق عم يوجه فيه شتائم لشخصي , ولوالدتي , أزلت التعليق , مع اني كنت بفضل اني خليه موجود , منشان نضل نتذكر هالمجتمع يلي عايشين فيه شو حاوي وشو لامم , بس منشان ما حدى ينزعج من هالتعليق إضطريت اني احذفو .

انو ما بعرف وأخرتها معنا نحنا العرب , إيمتى بدنا نتعلم نناقش الفكرة مو شخص كاتبها , أنا متأكد أنو صاحب التعليق المذكور , ما عندو رد أو حجة على فحوى الرسالة , لولا هيك ما كان كتب يلي كتبو , أو انو مقتنع باللي كتبتو أنا , بس تراثه فرض عليه أنو يشتمني , بكلتا الحالتين حزّني عليه كتير وأصابتني شفقة مو طبيعية .

الله يساعد , الله يعين , مجموعات الشرايين , مش مقدورن إلا يسبو كلمة بتبدا بحرف الشين . 

محجوب ولا مالي محجوب

ما بعرف شو بدي أكتب هلأ , بدي أعرف هالمدونة محجوبة ولا لأ ؟ , أحياناً بتنحجب وبيطلعلي الفلتر , وبضطر اني أفتحها عن طريق البروكسي , وأحياناً بتفتح عادي , يعني هي مجرد عملية تخويف مو أكتر , ولا شو ؟ . 

هلأ تذكرت مقولة قرأتها على مدونة ما , بتقول هالمقولة :

"أنا مدون , أنا مراقب , تباً لكم , راقبوني" 

مناشدة

تحية طيبة و بعد :

تضامناً مع حق كل إنسان في التعبير عن رأيه و حق كل مواطن سوري في نقد ما يراه خاطئاً , و لعلمنا و قناعتنا بوصول الصوت الصارخ عندما يشتد و يكثر مطلقيه , فإننا نتوجه إليكم بطلب المساعدة في تفعيل حملة مناشدة المعنيين و المسؤولين إطلاق سراح المحامي المعتقل موسى الشناني الذي اعتقل بتاريخ 12/2/2009 على خلفية تقرير كيدي لا أساس له من الصحة .
المحامي موسى الشناني محامي من محافظة حمص متزوج و لديه أطفال , حائز على جائزة اتحاد المحامين الدوليين في أبحاث حقوق الإنسان للمحامين الشباب لعام 2001 .

للمحامي موسى الشناني العديد من المقالات في العديد من المواقع و المنتديات , و قد كان يكتب في جريدة المحرر , تتصف مقالاته بالنقدية الجادة و الساخرة أحياناً .

أخيرا تم وضع المحامي موسى الشناني في سجن حمص المركزي و قد وجهت له عدة اتهامات منها تحقير رئاسة الجمهورية ( الأمر المستند إلى التقرير الكيدي ) و بث الوهن في نفسية الأمة و إضعاف الشعور القومي , فيما يصر المحامي موسى الشناني على أنه لم يتعرض لمقام رئاسة الجمهورية بأي تصريح أو نقد لا من قريب و لا من بعيد , لا في مقالاته و لا في المنتديات و لا في الحياة العامة , و بأن مقالاته هي تعبير عن رأيه فيما يراه خاطئاً فقط .

و أخيراً و أعرف أني قد أطلت عليكم , و إني لأشكر صبركم و سعة صدركم , فإني أتمنى من حضرتكم المساعدة بما أمكن لإيصال الصوت و تفعيل النشاط .

---

 

أرجو منكم التضامن و النشاط و العمل على تحريك قضية اعتقال المحامي موسى الشناني في جميع المنتديات و المحافل التي تنشطون فيها , فعسانا نستطيع أن نساعده و لو بكلمة , فرب كلمة خير من سيف .

تحياتي لكم

إلى متى ؟؟؟؟؟؟؟؟؟

اليوم كنت قاعد بالمكتب عم ارسم والمهندس يلي بيشتغل معي عم يتفرج عالتلفزيون على فلم X men 2 المهم بنهاية الفلم حطو شي بسيط كتير عن نظرية التطور وشلون تحول الإنسان من كائن أحادي الخلية إلى الجنس المسيطر على الأرض وإنو حركة التطور بطيئة بس كل بضعة مئات من السنين يقفز التطور قفزة ....الخ 
فما لقيتو غير صار قدامي وقلي انت شايف الفلم هادا من قبل ؟؟؟ (بعصبية)
قلتلو اي ...
قلي وما تقلي إنو كلو كفر بكفر 
صفنت فيه وماكنت احسن أعرف عن شو عم يحكي ... فسألتو "شو قصدك ؟؟؟"
قلي عم يحكو عن نظرية التطور وانو كان الإنسان أحادي الخلية وبعدين صار بني أدم 
قلتلو ووين المشكلة ؟؟؟؟؟
قلي شو وين المشكلة ... هادا الحكي كفر 
قلتلو وشلون كفر ؟؟؟
قلي كأنك مقتنع بحكين 
قلتلو يعني 
قلي شو يعني ؟؟؟؟
قلتلو انو هي هية الطريقة يلي الله خلق فيها الإنسان والمخلوقات الحية كلها 
قلي يعني ما بتاّمن بأدم عليه السلام 
قلتلو مبلا بس ....
قاطعني ... بس إنو نحنا متطورين أكتر منو ... مو ؟؟؟؟
قلتلو اي طبعاً 
فقعد نص ساعة ما خلا فيها كتاب أذكار وإستغفار إلا وما قراه ورجع لعندي 
قلي يعني انت بتاّمن بهالنظرية ؟؟؟؟؟؟؟؟
قلتلوا متل ما قلتلك ... باّمن إنو هي الطريقة يلي خلق الله فيها المخلوقات 
قلي هالشي مو صحيح .... الله خلق أدم متل ما هو .. ونزلو من الجنة عالأرض متل ما هو ... ونحنا هلق صورة عنو طبق الأصل ... لا تطورنا ولا هم يحزنون ... أصلاً مافي شي اسمو تطور ... بس هنن ما بيقتنعو بهالشي .... يروحو لعند أكبر عالم بيقلن هالشي ... ضروري يبحثو ويطلعو بنظريات بتدل عإنحطاط التخلف ... وما صحيحة وكلها كفر بكفر 
قلتلوا ما صحيحة شي وانت ما بتأمن فيها شي تاني 
واستمر الجدال ساعة تانية وأخر شي مارس عليي مواهبو الألوهية وقلي "انت خرجت من دائرة الإسلام ... وصرت كافر !!!!!!!!!!!!!!!!!! "

هلق أنا طلعت بنظرية جديدة ... وعذراً من دارون لأنو حكيو مو صحيح 100% ... إنو صعي نحنا تطورنا من الكائن الأحادي الخلية وهيك لحتى وجدت أول مجموعة من البشر تستخدم عقلها.... بس هون وقف التطور عند عالم وضل شغال عند عالم تانية 

استيقظوا أو موتوا ... والأفضل أن تموتوا

جورج : بتعرفوا يا شباب إني بحبكم كتير... متل إخواتي وأعز ... كاسكم

علي : وحق الإمام علي يا أبو الجوج انو نحنا كمان منحبك .. وأنا مني وعلي بعزكم كتير لدرجة انو ما بعرف شو بيصير اذا ما قعدت وتناقشت أنا وياكم بالإسبوع مرة عالأقل ما بعرف بس بتوقع اني بطق ... كاسك

معاوية : يا شبيبة أنا أكتر شي بعتز فيه بصداقتنا هي .. أنو نحنا من أديان وطوائف مختلفة ومع ذلك بتجمعنا صداقة مو طبيعية ... كعبك ابيض ابو الجوج

علي : يمكن يا أب يزيد لأنو ما منحكي بالمواضيع الدينية بيناتنا

جورج : لشو نحكي بالدين ؟؟ ... كل مين عدينو الله يعينو

معاوية : معكم حق يا شباب ... لشو نحكي بالدين ؟؟ عقولة سامي "لا دينك رح يوفي الدين ولا ديني رح يغنيني" ... لك صبلي ... اشرب عليها تنجلي

علي : غلطان يا كوكي ... الدين هو الحل .. بس بيصير هو المشكلة وقت الواحد بيتعصب لدينو أو طائفتوا وما بيعود يتقبل الرأي الأخر أو الطائفة الأخرى أو ... الخ ... لا تنسى تصبلي كمان

جورج : هل رأى الحب سكارى .. سكارى .. مثلنا ... احلى ام كلثوم بحضي

معاوية : معك حق أبو حسن ... وبالزات وقت ما بيتقبل خلافة شرعية وبيثور عليها وبيصير بدو يعمل ثورة .... زيد عليها شوية تلج كمان

علي : شو قصدك ؟؟ .. عن مين عم تحكي يعني ؟؟ .. عن يلي اغتصب الخلافة غصب ؟؟ .. وثار عليه سيد شباب الجنة ؟؟...... قربلي صحن المازا شوي .. شوباك مبعدو عني كتير ... نخلع كتفي وانا عم مد ايدي

جورج : يا شبيبة ... لا تحكو بهالقصص ... ما دخلنا .. قصص مضت وأكل الزمان عليها وشرب ... يعني ما في داعي منوب لنحكي بهالمواضيع ... وخلونا نكفي شرب مع هالزمن

علي : مزبوط يا شباب ... "تلك امم قد خلت لها ما كسبت ولكم ما كسبتم ولا تسالون عما كانوا يفعلون"... صبلي كمان لاشرب مع هالزمن

معاوية : معكم حق ... أسف كتير ... بس ما كان قصدي اخلق أي حساسية بيناتنا ... كاسكم

جورج : عادي حبيبي... أبونا بيغفرلنا أخطائنا لو شو ما كانت .. كعبك ابيض أب يزيد

معاوية : صعي أبو الجوج ... شو عم يساوي أبوكم يلي بالسماوات هلأ ؟؟ ... و وين أمكم ؟؟ .. ولا الكم أب مندون أم .. يا الله .. شو هالنكتة ... لك صبلي صب

علي : أب يزيد .. ما إتفقنا ما نحكي بهالقصص ؟؟

معاوية : مبلا بس انو بجد شو عم يساوي أبوهم ؟؟؟

جورج : معاوية ... رجاءاً رجاءاً لا تجرح وخلونا نكفي السكرة برواق

علي : طول بالك ولو ... مو محرزة القصة يعني ... وانت معاوية كن شوي وهدى

جورج : لا مو هيك بس ليش عم يجرح هادا ؟؟ .. يعني شو رأيك اذا هلق بحكيلك وبجبلك إثباتات عن سورة "عبس وتولى" والراهب بحيرة ؟؟ ما بتدايقوا يعني ... هات هالقنينة من جمبك

معاوية : ليش شو دخل "عبس وتولى" بالراهب بحيرة ؟؟ .. باين عليك سكرت وبلشت تخبص

جورج : أنا سكرت ههههههههه .... طيب يا سيدي أنا سكرت بس لح احكيلك قصة الراهب بحيرة و "عبس وتولى" بس منشان تعرف وما يقولوا عنك العالم جاهل لأنو إنت رفيقي وسمعتك بتهمني

معاوية : هات لشوف ...

جورج : هادا يا سيدي النبي تبعكم هتر بواحد أعمى كان جاي لعندو ... قام خديجة اتدايقت من هالقصة وبعتت خبر للراهب بحيرة ... فقام بحيرة بعت رسالة عتاب لنبيكم ويلي هية "عبس وتولى" فأخدها النبي تبعكم ونسبها للرب

علي : يا ابو الجوج ... نحنا اتفقنا ما نحكي بهيك قصص ... بس بحب خبرك انو هادا صاحبك يوحنا الدمشقي كان عم يخبص وقت حكى هالقصة

جورج : عم يخبص عم يخبص .. متل ما بدك .... ميتر .. وين العرق ... لا تقطعنا ... خلصت القنينة ولهلق ما جبت وحدة تانية

معاوية : لا يا ... ما عرفتك وانت عم تساير

جورج : هي هييييي علينا ...."نحنا الثورة والغضب نحنا امل الأجيال" بصحة احلى جوليا

علي : أعلى ما بخيلك ركبو ... يعني شو لح تساوي ... إنشالله مفكر حالك أبو عبد الله الحسين وبدك تثور عالظلم ؟؟ يا سيدي نحنا ظالمين ... هات لشوف شو بدك تساوي ؟؟

معاوية : الظاهر يا أبو حسن انك سكرت انت التاني ... أنو ظلم يلي ثار عليه صاحبك ؟؟ ... يا حبيبي خلافة يزيد كانت شرعية ولا غبار عليها

علي : ههههههههههههه قلتلي شرعية مو ... يحرق ديبك يا زلمة تاريك سكران طينة وما حدى دريان فيك ههههههههه

معاوية : احترم حالك وإلا بتندم هة

جورج : يلعن دينكم ... انهوا الموضوع وخلونا نكفي السكرة برواق

علي : جورج عود إنت على جنب شوي مالي فاضيلك ... معاوية على شو بدي اندم ؟؟ الشي الوحيد يلي أنا هلأ ندمان عليه هو اني تعرفت عليكم من الأساس

معاوية : وحياة خالقك أنا ندمان اكتر

جورج : شو أبو حسن ؟؟ أنا اقعد على جنب ؟؟؟ إنت بتعرف منيح مين انا وشو بساوي إذا عصبت ...

معاوية : شو رح تساوي يعني ؟؟ ... أساساً انت ما شاطر غير بالتهديد

علي : منشان ربك يا أبو يزيد ... لا تنظر علينا انت مو انظم



واستمر الجدال بيناتن وتاني يوم ما عاد حدى سمع بسيرتن .. وين صاروا .. ماتوا ولا شو صار؟؟ ... ما حدى بيعرف .........

بس استمر الجدال الأزلي بيناتن حتى بعد اختفائن ... وولادن استلموا الراية من بعدن
وصامدون ...